Bregenz - Lochau

Servus
I’Herrgotts frühä Morgästundä hemer üs am Sa. 26.01.2019 scho Farb is Gsicht la Sprützä! Will miär hend üs ufä langi Wäg uf Österiich gmacht zudä Pfütza-Pfiefa Guggenmusik Lochauf. Aber zerst simer z’Bregänz gsii üs go zeigä, bevor mer as Fäst sind.
Dr Wäg isch gmüätlich gsii, (mr hend au ä guätä Carfahrer) äs paar hend nu adä Gipfäli knaberet und diä andärä schomal äs Biär uf gmacht. Chum simer a cho hemer scho Instrumänt usgladet und hend üs is Fasnachts-Getümel gstü
rzt z’Bregänz. Nachmänä chlinä umzug (öbä glich gross we üsä z’Morschach) hez äs chlises Platzkonsärt ghä vodä Guggänä! Nach üsem Uftritt simer de wiiters as Fäst.
Miär hend ä riisä Freud gha am Fäst, äs het für jedä öbis gha. Näbst dä Güggähallä, Shotbar undem Partyzält wo Musigwünsch mit offnä Armä entgägägnu wordä sind hez halt leider ä kei Kaffeehüttä gha… aber das hemer doch änu überläbt.
Am 23.00 is de so wiit gsii, üsä Uftritt isch guät ab dä Bühni gangä. Nach dem mer Instrumänt widr Versorgt hend, ja hmm was machemer bis am 2 am Morgä bis dä Car Fahrt?…. s’Barpersonal go überstrapaziärä, das chömer guät und henz de au gmacht (Erfolgriich) und nüüstens chamer au Schneeängel mache ufem Schnizelbodä. Und den is au scho 2 gsii und hend üs müässä Verabschidä vo Österiich.

Als nächstes simmer z’Gascht Bidä GuuggeMusig Muota Gnomä am 02.02. am Gnomäball - "Früähner isch alles besser gsi!"(Heimvorteil)

~ Verfasser der Redaktion wahrschiindlich bekannt


Download miAPP on: